我喜歡聽張國榮現場唱歌，因為感覺跟他比較親近，就像他站於我面前唱，亦可以聽到他不經修飾、最真實的聽音.
於是，昨天下載了他的一些演唱會版本歌曲，亦是因為這樣，才有機會無意中聽到他這番話.
節錄自他89年告別樂壇演唱會，唱畢由零開始後說出的一番話.
「做到呢個演唱會全靠既其實最主要都係在座既每一位朋友，我無忘記你地! 多謝!
老老實實，我做出呢個決擇，其實都幾重大，理由就係因為，我當左呢次係我人生既大事之一，但係我唔係輕舉妄動，都唔係好衝動咁樣而去安排呢件事。
因為，當我睇返以往既一D記錄，有一D好光輝燦爛而係閃閃生輝既明星或者前輩，都係最光芒既時候告別，到到依家我地都仲咁記得佢. 我知道我呢個決擇，唔會錯得去邊。
有一句野其實係好傷感，我每一晚都無講到，今晚我可以同你地講，就係話，其實做一個藝人，有好多時既痛苦就係，因為我地既快樂同埋我地既滿足要建築係觀眾之下。即係話要觀眾快樂同埋滿足，我地先至可以擁有. 同埋一樣野就係話，如果一個藝人佢可以及時咁樣知道幾時自己係告別既話，佢，同埋佢既樂迷或者佢既影迷，就會係大家都好難過. 但係如果有一日, 當我地跌左落黎既時候，當我地要離開既時候，就只有我自己一個人難受. 所以我係一個聰明人，一定會走早D。
未來既日子裡邊，我仍然唔會偷懶，我仍然都會做返個好勤力既張國榮. 不過我會做返D一路我好渴望但係又從來未做過既野。
最後，亦都係最重要既一句野我要交代既就係話，我今次離開樂壇，係全無壓力之下離開, 而係點解我要咁做呢，並唔係同任何人有關連，我只係想係最多掌聲既舞台上面告別。
我珍惜今晚既每一刻，亦都珍惜在座每一位朋友對我付出既感情，你地黎送我，我好滿足，多謝。」
夜欄人靜，聽到這裡, 我想哭. 讀到這裡, 你也體會我的體會嗎?以下一篇話讓我對他的離去有另一體會:
LESLIE選擇最後跳下來結束他的一生, 或許, 是他想於最多人愛他的時間早一點離開，那麼，他永遠是那一個張國榮, 永遠都是最光輝的張國榮。
他走了，但其實現在活著他的第二生命。
我們對他付出了感情，他是知道的, 因為多情的他也對我們付出了感情。
「Will you remember me?」
Leslie, 還用問嗎?
