放題

講開任食，話說我係一個好中意係日式題既人，貪佢刺身可以無限食啊嘛。但講到底，任食呢家野我對佢期望又唔會十分大，咁既價錢無可能俾好上乘既野你，而去食既人亦唔好嫌三嫌四除非真係差到無論，一般只要過得去我都覺得ok。而我既心水就係食中午放題，因多點時間消化唔使咁辛苦。

但我亦都有preference，因工作關係家住澳門(但我心繫香江)，但我就堅持返香港先會食放題。有個澳門朋友，我同佢講下次我返香港一齊去放題，佢就話係旺角食過好唔掂，我話我同你去中環食啊，佢就堅持話係香港既放題唔掂。

其實講咁多只係想引申一樣野，就係呢個世界既人唔諗野同埋好中意將一竹桿打一船人。香港咁大，只係一間係旺角既放題又點能夠代成香港既放題呢? 況且，就係同一間餐廳都未必次次都一樣好食或者一樣唔好食。如果只係食過一間，就斷定所有既放題都一樣。呢呢呢，我個人係覺得咁樣既思想係同個d話俾男人hurt過而中途轉機既人既講法都係一樣過份蓋括喇!

其實戀愛市場同任食放題一樣，有好多種類俾你揀，當中亦一定有d比較好食而有d就難以入口，俾咩價錢就有咩質素，唔好expect付出少少攞返多多，要求高既唯有比多d錢食高級餐廳，如果唔係就唔好嫌咁多。

別那麼小家

新聞一則：二十億身家鞋王控告三奶要求退還四層樓。

話說此奶於09年搭上港男後被記者揭發，於是鞋王提出分手、CUT家用並要求對方歸還在『交往』期間以女方名義購入的四層樓，理由是：『用佢名買唔等於送俾佢』，不用退還之條件為『要一直對自己忠心』，兼且為了防範對方愛錢不愛人，於是特以『30年按揭買入』。阿鞋王另外亦表示自02年跟三奶一起後每月給予對方1.5萬元家用，直至2009年分手前家用已增加至5萬大元，且7年來所送贈的現金加禮物大概700萬。

看著此男意氣風發大庭廣眾說他給付了多少錢、身家多得幾世使唔晒的樣子，心中不禁湧出一句話：大言不慚。

在香港你用萬五蚊包個女人你以出手很闊綽嗎？就算加到五萬都算少，好不好?! 以你一位『D錢多到用幾世都使唔晒』的男人來說，以這個價錢HOLD一個為你生了個女的三奶，我覺得你很肉酸加寒酸。有錢佬玩女人有幾個奶正常不過，但我覺得玩女人要玩得有品加豪爽，你有見過大劉問包過的女人攞返層樓嗎? 要7年加埋才送了700萬禮物嗎? WELL, 如果你只是一個普通中產，這個價絕對不算少且算很高，但你是一個『D錢多到用幾世都使唔晒』的『鞋王』！以富豪來說，你出手很低。你給我的感覺是：買了部IPHONE，用了幾年後找當年賣電話給你的人要回5000蚊，理由是『我覺得不好用』。喂大佬，請你不要那麼CHEAP吧！人家三十歲跟你個六十歲，就算她勾佬，好了，斷交，應該，誰叫你把綠帽向我倒頭LUP，我可養了你7年呢~ 但是，作為一個有風度的有錢佬，理應是：我豪得起，你對我唔住，我當用錢買了你7年青春，送了給你的就是你的，但你現在要給我LAN屍GUT，而不是問人攞返。(算了，要是他有風度就不會老婆生AO AO都在記者面前說自己的風流史，完全當自己老婆死的。) 這只會令你以後很難包到一個有質數的女人，因優質的情婦不會跟一個劣質的男人。優質的情婦要很多錢才包得起。

如果我是其他有錢佬或富豪，我會在背後笑你、笑你、再笑你。

如果我是想搵佬包的女人，我會告誡自己搵老細要帶眼，最好以後收到禮物要你出張聲明說明不會在我人老珠黃時要我退還禮物。

我單身, 不代表我沒人愛!

這陣子鬧得最熱哄哄的是什麼? 『盛女大作戰』囉~ 幾個單身盛女求愛真人秀，個人認為一看無妨：得啖笑，消磨時間，看看現在男男女女對拍拖的感想及策略，挺過癮。

身邊朋友基本除了我跟另一個條件同樣不差的女性朋友之外其餘統統不是有老公便是有男朋友，反而盛男大把。哈哈，人們常挖苦嘲笑女人年過三十未有人認頭叫剩女、姑婆，弄得好像女人到了某個年齡仍然單身就是賣剩蔗一樣。Oh come on! 男人都可以是賣剩蔗，好不好?! 我身邊就有好幾個。何況現在不是肚餓找東西吃，總不明白為什麼一見人家單身就說人家『無人要』，『要求唔好咁高啦!』等等之類的廢話傾巢而出。打個比喻：我不吃東西不等於我很飢餓但無得食，也可以是我根本就不想食！與其隨隨便便把一些賣相醜陋，味道不佳食壞人的下價貨放入口我寧可不吃，何況我根本就不想吃。我on diet, ok?! 說什麼『你唔好咁高要求啦』，我請你不要再迫我放過期食物入口啦~

找男朋友或老公不是玩音樂椅 - 鬥快搵一件，做人可應該有要求哦~ 但當然要求要切合實際，例如，一個30歲但樣子甜美/漂亮的就有資格忽略什麼三十歲死線繼績搵個岩先拍或嫁，根本就不用降低要求，除非很醜各項條件又差，要不然，年齡根本不是問題。況且又醜條件又差的不應該等到過了三十歲無人要才放下一點，而是一開始就應該別把身段放得太高。總括而言，有條件就不要理會那些三姑六婆說的話，他們說的根本是一些不負責任的話：因為他們的話攪得自己嫁錯郎他們是不用負責任的，兼且可以深度再嘲你唔帶眼識人嫁錯人~所以呢，做自己就行。(當然你要懂得identify自己是否有條件啦，明明很遜但以為自己很標青的就真的等拜拜!)

Anyways, 這種笑女人三十打後(其實廿八過後)仍然單身，但address那些三十多四十歲的男人為筍盤的現象再一次說明了在某種關係上，男女，是永遠沒法子平等。